Albisteak
Teknologia-Bideojokoak
Jonas Brothersen bideo-jokoa otsailean iritsiko da
Luzia Zugadi
Nintendo DS-rako bertsioa izango du jokoak eta helburua, jokalaria hiru anaien bizimoduan barneratzea izango da.
Azkenaldian moda-modan dagoen Jonas Brothers taldeak bideo-jokoen mundura egin du salto. Otsailaren 12tik aurrera, hirukote honen zaleek Jonas jokoan jokatzeko aukera izango dute.
Nintendo DS bideo-kontsolarako bertsioa izango du bideo-jokoak eta jokalariari musika izar batean bihurtzeko aukera emango dio.
Disney Channeleko komedian oinarrituta, hiru anaien bizimoduaren jarraipena egingo du jokoak. Modu horretan, Nick, Joe eta Kevin musikarien paperean sartuko da jokalaria.
Gainera, Jonas, Macy eta Stella lagunek ere bideo-joko honetan parte hartuko dute. Nibelak gainditzen dituen heinean, jokalariak kontzertuak emateko aukera ere izango du eta taldekideen jantziak ere hautatu ahal izango ditu erabiltzaileak.
