Vila-Real-Osasuna: Juanfran eta Perez Burrull, berriz aurrez aurre

Asier Legarda

Taxoare

Azken eguneratzea: 2010/01/29 15:09 (UTC+1)

Iragan sasoian Santiago Bernabeun bi penalti jasan ostean egotzi egin zuen epaileak Juanfran.

Whatsapp
Whatsapp
telegram
twitt
Bidali
Esteka kopiatu

Albisteak (1)

Osasuna-Racing, (0-3): Agur Errege Kopari

Igandean Osasunak eta Vila-realek jokatu beharreko norgehiagokan hogeitabi jokalariez gain protagonista garrantzitsua bat ere izango da berdegunean: Perez Burrull epailea. 2009ko urtarrilaren 18an zuzendu zuen Perez Burrullek azken aldiz Osasuna, eta Real Madrilen zelaian jokatu norgehiagoka hartan negargarri aritu zen epaile kantabriarra, lehia haren ostean hilabete partidarik epaitu gabe izatera ere behartu zutelarik.

Juanfranek sutan amaitu zuen lehia hura, Real Madrileko atzelariek berari egin bi penalti argiren ostean epaileak penaltiak ez adierazteaz gain txartel hori bana erakutsi baizion Juanfrani bi jokaldiotan. Perez Burrullek egotzi egin zuen Juanfran, eta Osasunak galdu egin zuen minutu askotan markagailuan aurretik izan arren. “Urtebete geroago elkar ikusiko dugu, baina partida arrunt bat da niretzat, betiko jarrera erakutsiko dut nik, eta Perez Burrull ere lana kondo egiten ahaleginduko da, profesionala baita. Une hartan ozen salatu behar izan genuen gertatutakoa, baina ahaztuta dago eta epailea agurtzeko arazorik ez dut izango nik. Hori bai, beste penalti argi bat egiten badidate eta adierazten ez badu erotzekoa izango da”, esan du Juanfranek gaur Taxoaren.