Albisteak
23:00etan
ETB-3k Barricadarekin Londresen grabatutako saioa, otsailaren 18an
Garazi Urdanpilleta
Talde nafarreko kideekin Ingalaterrako hiriburuan grabatutako irudiak eta bertan emandako kontzertua bilduko dituen programa izango dugu ikusgai datorren asteko ostegunean.
Gaztea eta ETB-3 Barricadarekin izan ziren Londresen azaroan. Ia 30 urteko ibilbidean El Drogas eta bere taldekideak lehen aldiz aritu ziren orduan bertan eta, hitzordu garrantzitsu horretan, eurekin egon nahi izan genuen.
Lehenik eta behin, Gazteak bi pertsona eraman zituen gonbidatuta Londresera. Gainera, talde nafarreko kideekin batera joan ginen Ingalaterrako hiriburura, hango kaleetan ibili ginen eurekin eta Londreseko Jamm Aretoan eman zuten kontzertua grabatu genuen.&' || 'nbsp;
Londresen grabatutako material guztiarekin saio berezia grabatu dugu eta ETB-3n izango dugu ikusgai datorren ostegunean, hilak 18, 23:00etatik aurrera.
Barricadaren zalea bazara, ezin duzu osteguneko saioa galdu!
