Mundua
Australia
13 urteko haur batek 12 urteko ikaskide bat hil du eskolan
Erredakzioa
Gaztetxoak labankada bat eman dio bularrean beste ikasle bati Brisbaneko ikastetxe bateko jolaslekuan, lehen hezkuntzako eskola katoliko batean.
Hamabi urteko haur bat hil da gaur 13 urteko ikaskide batek eman dion labankadaz Australiako ikastetxe bateko jolaslekuan, Poliziak jakitera eman duenez.
Brisbaneko St. Patrick’s Collegen gertatu da erasoa, lehen hezkuntzako eskola katoliko batean. Ikaskideek borrokan egin dute eta zenbait labankada jaso ditu horietako batek, ospitalean hil baino lehenago. Poliziak ez daki zerk eragin duen bi ikasleen arteko gatazka.
Eskolako zuzendariak bihar arte eskolak bertan behera uztea erabaki du hildakoaren senideei dolua erakuste aldera.
