Mundua
Bilera Vatikanoan
Aita Santua Irlandako gotzainekin batzartuko da, abusuak hizpide
Erredakzioa
Irlandako Gobernuaren arabera, hainbat apaizek sexu abusuak egin zizkieten milaka umeri 70 urtez.
Benedicto XVI.a Aita Santua Irlandako 20 gotzainekin inguru batzartuko da gaur eta bihar Vatikanoan, herrialde hartako hainbat apaizek milaka umeri egindako sexu abusuak hizpide.
Abenduan ere antzeko bilera bat egin zuten, eta orduan Aita Santua "oso kezkatuta" agertu zen gertatutakoarekin.
Garai hartan, gainera, Benedicto XVI.ak aurreratu zuen gutun bat idatziko diela irlandarrei iskanbila honi buruz. Gutuna Aita Santu batek sexu abusuei buruz egindako lehena izango litzateke historia osoan.
Irlandako Gobernuaren bi txostenen arabera, hainbat apaizek sexu abusuak egin zizkieten milaka umeri 70 urtez, eta Elizak eta Estatuak ezkutatu egiten zuten gertatzen ari zena. Polemikaren ondorioz lau apaizek dimisioa aurkeztu dute.
