Gizartea
Eguraldia
Bilbok larrialdietako plana aktibatu du haize alertaren ondorioz
Erredakzioa
Igandean eta astelehenean 90 kilometro orduko abiadura duten haize boladak izango dira. Garbiketa zerbitzu munizipalak ez du zaborra batuko gauean.
Bilboko Udalak larrialdietako plana aktibatu du haize alertaren ondorioz. Ustez, igandean eta astelehenean 90 kilometro orduko abiadura duten haize boladak izango dira.
Garbiketa zerbitzu munizipalak ez du zaborra batuko gauean haizeak zabor-ontziak irauli ez ditzan.
Autoa hartuz gero kontu handiz ibiltzea gomendatu du Bilboko Udaleko Segurtasun sailak. Ateak eta leihoak ixtea eta haizeak bota ditzakeen objektu guztiak etxe barrura sartzea ere eskatu die biztanleei.
