Ekonomia
Hipotekak
Euriborra inoizko maila baxuenera jaitsi da otsailean
Erredakzioa
Hilabeteko batez bestekoa % 1,225en kokatu da, eta duela urtebete sinatu eta martxoan berrikusiko dituzten hipotekak 65 euro merkeagoak izango dira hilabeteko.
Euriborra, hipotekak kalkulatzeko gehien erabiltzen den indizea, inoiz izan duen maila baxuenera jaitsi da otsailean, % 1,225ko batez bestekora hain zuzen ere, eta duela urtebete sinatutako hipotekak eta martxoan berrikusiko dituztenak 65 euro merkeagoak izango dira hileko eta 780 euro merkeagoak urteko.
Merkatuko datuok, Espainiako Bankuak datozen egunetan baieztatuko dituenak, azken hilabeteotako beheranzko joera berresten du.
Iragan abenduan, euriborraren 14 hilabeteko jaitsierak eten ziren. Epe horretan bederatzi minimo historiko lortu zituen eta azaroan maila baxuenera erori zen (% 1,231), baina abenduan goraka egin zuen % 1,242ra.
Indizea 2008ko uda eta udazkena aldera igo zen maila gorenera eta ordutik beheranzko joerari eutsi dio, Lehman Brothersen porrotarekin batera eta Europako Banku Zentralaren moneta politika aldatzearekin batera.
