kultura
Kontsultak
Auñamendi Eusko Entziklopedia berritua, Interneten
Erredakzioa
Euskal Herriari buruzko kontsulta zientifikorako lan eguneratua da, doakoa eta nahi duenarentzat kontsultagai.
Auñamendi Eusko Entziklopedia, Euskal Herriari buruzko kontsulta zientifikorako lan eguneratua izateko bokazioa duena, dohainik eta nahi duen guztiarentzat kontsultagai dago gaurtik aurrera euskoentziklopedia.org helbidean.
Bernardo Estornes Lasaren "Enciclopedia Auñamendi" ezaguna oinarritzat hartuta, bertako edukiak eguneratuta, osatuta eta era eleanitzean eskaintzea da Auñamendi Eusko Entziklopediaren helburua. Hori guztia, Googlen bilatzailea baliatzen duen punta-puntako plataforma teknologiko baten bitartez eta dohainik eskainita.
Plataforma teknologiko honi esker, Entziklopedia osatzen duten 150.000 artikuluez gain, Eusko Ikaskuntzaren dokumentu-funtsa osatzen duten 350.000 dokumentuak ere jarri dira erabiltzailearen eskura, guztira 500.000 dokumentu inguru integratzen dituelarik.
Gaur egun, 300 kolaboratzaile inguru ari dira artikuluak berritzen, osatzen, euskaratzen edota ekarpen berriak egiten eta etorkizunean kolaboratzeko aukera gizarte osoari ireki nahi zaio. Hala ere, hori posible egiteko bere egitura gehiago indartzea beharrezkoa izango da, horrek Eusko Ikaskuntzarentzako suposatuko duen ahalegin berezia kontuan izanda.
