Jesus Torquemada
Iruzkina
Merkelek ez du Seehoferren matxinada baretzerik izan
Jesus Torquemada
Kantzilerrak ministroa kargutik bota izan balu, CDU eta CSU alderdien zatiketa eta koalizio gobernuaren erorketa ekarriko luke.
Angela Merkel politikoki oso ahul dago eta ez du Horst Seehofer Barne ministroaren matxinada baretzerik lortu, erantzukizunez jokatu du eta nahiago izan du koalizio gobernua salbatzea. Merkelek egonkortasunaren alde egin du beti, eta oraingoan ere, horri eman dio lehentasuna. Seehoferrek merezi zuen Merkelek kargutik botatzea. Batez ere ministroak harrokeriaz esan zuenean ez zuela onartuko "berari esker karguan zegoen kantziler batek bera kargu hartzea". Horrek 70 urte elkarrekin daramatzaten Merkelen (CDU) eta Seehoferren (CSU) alderdien zatiketa ekarriko zukeen, eta horrek bide batez, biek SPD sozialdemokratarekin batera osatzen duten gobernuaren erorketa ekarriko luke.
Horren guztiaren ondorioa da Seehoferrek nahi zuena lortu duela. Europako beste herrialde batean asiloa eskatu ondoren Alemaniara iristen diren atzerritarrak berehala herrialde horretara itzuliko dituzte. Horrek esan nahi du kontrolak gogortuko dituztela Austria eta Alemaniaren artean, eta hori zen, hain justu, Merkelek galarazi nahi zuena. Beste garaipen bat, beraz, Europako mugak itxi nahi dituztenentzat.
