Jesus Torquemada
Iruzkina
Von der Leyenek azterketa du Europako Parlamentuan
Jesus Torquemada
Parlamentuaren gehiengo absolutua behar du Europako Batzordeko presidente izateko. Teorian, popularren, sozialisten eta liberalen babesa jaso beharko luke. Praktikan, popularren babesa du ziurtatuta.
Ursula Von der Leyen hautagai alemanak Europako Parlamentuaren gehiengo osoa behar du Europako Batzordeko presidente bihurtzeko. Teorian, popularren, sozialisten eta liberalen babesa jaso beharko luke, nahikoa hortaz. Hala ere, praktikan popularren botoak baino ez ditu ziurtatuta. Sozialisten eta liberalen boto batzuek ihes egingo diote, botoa sekretua izanik boto-diziplina ez baitute beteko. Eta berdeek aurka bozkatuko dutela iragarri dute.
Talde guztiak haserre daude Europako arduradunekin, parlamentuak proposatutako hautagaiak errespetatu gabe Von der Leyenen izena proposatu zutelako. Hori nahikoa izango da askok ezezko botoa emateko.
Von der Leyen, talde sozialista bereganatzen ahalegindu da Europan gutxiengo soldata eta langabezia asegurua ezarriko duela aginduz. Ikusiko dugu nahikoa ote den, sozialisten taldean, alemanak baitira bere aurkakoenak.
