Gizartea
Emakumeen kontrako indarkeria
Gizon bat atxilotu dute Ejidon bi emakumeri aizkoraz eraso egiteagatik
Erredakzioa
64 urteko gizonezkoak aizkora batez eta metalezko barra batez egin die eraso bikotekide ohiari eta horren arrebari. Emakumeak ospitalean ingresatu dituzte.
-
Erasoa Ejidon gertatu zen. Argazkia: EITB
Guardia Zibilak 64 urteko gizonezko bat atxilotu du Ejidon (Almeria) aizkora batez eta metalezko barra batez bikotekide ohiari eta horren arrebari eraso egitea leporatuta, Gobernuko iturriek jakitera eman dutenez.
55 eta 45 urteko bi emakumeak ospitalean ingresatu dituzte gorputzeko hainbat ataletan dituzten zauriengatik. Osasun-zerbitzuek 00:30 aldera jaso dute gertatu denaren berri. Ustezko erasotzaileak ez zuen aurrekaririk eta ospitalean artatu behar izan dute.
Gaurdia Zibilak hartu du bere gain gertatutakoa ikertzeko ardura.
