Felipe Etxebarria
Iruzkina
EBren eta Errusiaren arteko tentsioa areagotuz doa
Felipe Etxebarria
Felipe Etxebarriak hizpide hartu du Ukrainaren eta Errusiaren arteko krisia, eta horrek Europar Batasunean dituen ondorioak.
Albisteak (1)
"Errusiak 150.000 soldadu bildu ditu Ukrainako mugara eta anexionatutako Krimeako penintsulara", hala azaldu du Josep Borrell Europar Batasuneko Atzerri Politikarako goi ordezkariak. Ukrainako mugan Errusiak burutu duen kontzentrazio militar masiboena da.
Europar Batasuneko atzerri ministroak bideokonferentziaz Europa eta Errusiaren arteko harreman orokorrak ari dira aztertzen. Mahi gainean dute Errepublika Txekiarrak hartu berri duen erabakia 18 diplomazilari errusiar kanporatzeko, espioitza egitea leporatuta. Moskuk probokaziotzat jo du erabakia eta aldi berean diplomazialari txekiar kanporatu ditu.
Alexei Navalni preso dagoen oposizio buruaren osasun egoera larritu dela eta, kexkak sortzen ditu. Gaur presoentzako ospitalera bidali dute. EBk Errusiako agintariei leporatu die gerta dakiokenaren erantzukizuna.
Dena dela, EBk ez du oraingoz Errusiari zigor gehiago jartzeko asmorik. Baina aurrerantzean gauzak gehiago okertzen badira, ez ditu baztertzen.
Ukraina beldur da, Errusia aitzakiaren bat bilatzen ez ote dabilen eraso egiteko. Volodymyr Zelensky presidenteak NATO eta EBri eskatu eskatu die atxikitze prozesua azkartzeko. Baina Europak ez ditu lotu nahi prozesu hauek oraingo egoera honekin.
