Carromerori hirugarren gradua ematea proposatu du Segoviako kartzelak

Segoviako Kartzelako Zigor Batzordeak Angel Varromero PPko Nuevas Generacioneseko presidenteari hirugarren gradua ematea proposatu du.

Kartzeletako agintaritzako Idazkaritza Nagusiko iturrien arabera, kartzelak proposamena egin du baina behin betiko erabakia ez dute ostirala arte hartuko. Ziurrenik hirugarren gradua ematearen alde egingo dute, eta, ondorioz, Carromerok bere etxean egingo du lo asteburu honetan.

Carromerori lau urteko kartzela-zigorra jarri zioten Kuban, uztailaren 22an izandako auto-istripuan Oswaldo Payá eta Harold Cepero disidenteen heriotza eragiteagatik.

Zigor Batzordeak kontuan hartu du Carromerok hirugarren graduan egoteko baldintzak betetzen dituela: familia Madrilen dauka, delitu mota bat dator erregimenarekin, bere jarrera ona da eta kanpoan lanpostua dauka.

Lanera itzuliko da

Lanpostuari dagokionez, Madrileko Udalak duela aste batzuk iragarri zuen Carromerok hirugarren gradua lortuz gero, Moratalazeko Barrutiko Batzordean duen lanpostura itzuliko zela.

Hirugarren gradua lortzen badu, PPko gazteen presidenteak asteburuko baimenak izango lituzke, kartzelara lotara bakarrik joan beharko litzateke edo baliteke etxean ere lo egiteko aukera izan dezake, kontrol telematikoak martxan hasten direnean.