Politika -
Donostian
Fernando Mugicaren semea: 'Gaiztakeriaren indarra da Bildu'
Fernando Mugica ETAk hildako politikari sozialistaren semeak esan duenez, koalizio abertzalea "hainbat hamarkadatan krimenak egin zituen proiektu totalitarioaren isla da".
Erredakzioa
Jose Mari Mugica ETAk hildako Fernando Mugica sozialistaren semeak azpimarratu duenez, "terrorismoa gaitzetsi ez duen gaiztakeriaren indarra da Bildu". Koalizio abertzalea "hamarkadaz krimenak egin zituen proiektu totalitarioaren isla da", esan du Mugicak Donostiako Polloeko hilerrian aitari egindako omenaldian.
Duela 17 urte ETAk hildako sozialista lore-eskaintza batekin omendu dute, eta, ondoren, Laurence Franks Funts Nazional Juduko presidenteak 'kaddish' bat esan du, hildakoen omenez egindako otoi armeniarra.
'Proiektu totalitarioa'
Buruzagi sozialistaren semeak azpimarratu duenez, gaurko omenaldia "historian eta oroimenean" oinarritutako ekitaldia da, "gurean proiektu totalitarioa egon zela gogora ekartzeko". Halaber, "proiektu horren menpe krimena, jazarpena eta hilketa egon" zirela nabarmendu du.
"Askatasunak suntsitzea eta euskal gizartea bere mendean jartzea zuen helburu proiektu totalitario kriminal horrek", salatu du Mugicaren semeak: "Ez dira herritarrak istorio sinestezinekin nahasi behar".
Parte-hartzaileak
Lore-eskaintzan, zenbait buruzagi sozialista izan dira: Iñaki Arriola, Odon Elorza, Jose Maria 'Txiki' Benegas, Miguel Buen… Halaber, Mapi de las Heras Mugicaren alargun eta semeekin, PSEko hainbat batzarkide eta zinegotzi ere izan dira.
