Marotok esan du Udaleko aurrekontuek 1.930 lanpostu sortuko dituztela

Javier Maroto Gasteizeko alkateak 2013rako Udaleko aurrekontuen xehetasunak eman ditu, EAJrekin hitzartuta, eta azpiegituratako inbertsioek 1.930 lanpostu sortuko dituztela azaldu du, zuzenean eta zeharka.

Proiektuaren edukia udalbatzarrean azaldu du alkateak, eta Gorka Urtaranekin (EAJ), erakundeak aurten aurrekontuak izatea ahalbidetu duen taldeko bozeramailearekin, lortutako akordioa ere aintzat hartu du.

Marotoren ustez, "hiriarentzat egokia" da paktu hori, eta "gauza askok aldentzen dituzten" bi alderdiek hitzartu dutela kontuan hartu du, halere, "Gasteizeko proiektua batera eraikitzeko" elkar ulertu direla azpimarratu du.

Gasteizeko alkateak esan du proiektuak (344 milioi euro, iaz baino 40 milioi gehiago) murrizketak dituela, baina Udaletxeari egonkortasuna ematen diola nabarmendu du.  Halaber, lanpostuan eta hiriarentzako inbertsio estrategikoak errealitatea bilakatzean zentratzen dela gaineratu du.

Horren haritik, azaldu du lanpostu politiketara zuzendutako dirua % 122 haziko dela, 1,6 milioitik 3,6ra pasatzean, ondorioz, enplegua "giltzarria eta aurrekontuen giltza" bilakatu dela nabarmendu du.