Politika -
Espedientea zabaldu eta gero
Kataluniako fiskal nagusiaren dimisioa onartu du Torres-Dulcek
"Azken ekintzen arrazoiak azaldu ditut. Estatuko fiskal nagusiarekin leialtasunez jokatzen saiatu naizela argi utzi nahi dut", adierazi du Rodriguez-Solek.
Erredakzioa
Martin Rodriguez-Sol Kataluniako fiskal nagusiak karguari uko egin dio eta Eduardo Torres-Dulce Estatuko fiskal nagusiak dimisioa onartu du gaur arratsaldean. Rodriguez-Soli espedientea zabaldu zion Torres-Dulcek Kataluniako kontsultaren inguruan iritzia emateagatik.
Kataluniako fiskal nagusiak Estatuko Fiskaltza Orokorrean agerraldia egin du gaur alegazioak azaltzeko. Dimisioa Rodriguez-Solek berak baieztatu du.
Estatuko fiskal nagusiak Kataluniako fiskalaren dimisioa onartu du, Rodriguez-Solen esanetan.
"Azken ekintzen arrazoiak azaldu ditut. Estatuko fiskal nagusiarekin leialtasunez jokatzen saiatu naizela argi utzi nahi dut", adierazi du Rodriguez-Solek.
