Politika -
Euskal Irrati Telebista
Alberto Suriok EiTBko zuzendariaren lekukoa eman dio Maite Iturberi
Suriok zuzendari nagusi berria jaso du bulegoan, eta erakundeak bete berri dituen 30 urteen oroigarria eman dio.
Erredakzioa
Alberto Surio EiTBren zuzendari ohiak karguaren lekukoa eman dio Maite Iturbe zuzendari nagusi berriari, Euskal Irrati Telebistaren Bilboko egoitzan egindako ekitaldi xume batean.
Suriok 12:30 aldera jaso du zuzendari nagusi berria, eta erakundeak bete berri dituen 30 urteen oroigarria eman dio. Ondoren, Suriok eta Iturbek hizketaldi labur bat izan dute kazetariek argazkiak ateratzen zizkieten bitartean.
Eusko Legebiltzarrak atzo izendatu zuen Iturbe EiTBren zuzendari nagusi, EAJren eta PSE-EEren babesarekin.
Zuzendari berriak ia 30 urte daramatza erakundean lanean, eta orain arte Ekoizpen alorrean jarduten zuen. Mikel Agirrek karguari uko egin ostean, jeltzaleek eta sozialistek bere izena adostu zuten kargurako.
