Politika -
'Euskadi Galdezka'
Iñigo Urkullu lehendakaria ETBn da, Euskadi Galdezkan parte hartzeko
Xabier Usabiagak aurkezten duen saioko gonbidatua Iñigo Urkullu lehendakaria izango da asteazken honetan.Twiterreko erabiltzaileek ere saioan parte har dezakete #euskadigaldezka traola erabiliz.
Iñigo Urkullu lehendakaria hartuko du "Euskadi Galdezka" saioak gaur, apirilak 17. Xabier Usabiagak gidatuko du saioa eta platoan bertan ikusle gisa dauden 30 herritarren galderei erantzungo die Lehendakariak.
ETBren Miramongo estudioetan bilduko dituzte 30 pertsona horiek, Urkulluri galdera bana egin diezaioten. Bildarte enpresak irizpide estatistikoak baliatuz hautatutako herritar-multzo anitza da hain zuzen. Horretaz gainera, azken asteetan posta elektronikoz jaso diren galderak ere helaraziko dizkiote Lehendakariari.
"Euskadi Galdezka" saioaren xedea herritarrek beraiek zuzenean agintariei galderak egitea da. Aurreneko gonbidatua Iñigo Lamarca Euskal Autonomia Erkidegoko arartekoa izan zen pasa den otsailaren 6an. Orduan ere, 30 herritarrek egindako galderei erantzun zien, tartean etxegabetzeen, ustelkeriaren, langabeziaren eta haur lapurtuen ingurukoak.
Twiterreko erabiltzaileek ere saioan parte har dezakete #euskadigaldezka traola erabiliz.
