Politika -
Euskal aurrekontuak
Mendia: 'EAJk etsi du eta behetik kudeatu beharko du aurrekontua'
PSE-EEko bozeramaileak esan duenez, "EAJk ezin digu Aurrekontuen onarpenaren erantzukizuna leporatu, negoziaketetan parte-hartzea eskaini ez zigulako".
Erredakzioa
Idoia Mendia PSE-EEko bozeramaileak adierazi duenez, "EAJk etsi du eta behetik kudeatu beharko ditu aurtengo Aurrekontuak", diru-sarrerak goitik berrikusteko sozialistek egindako proposamena jeltzaleek errefusatu ostean.
EFEri eskainitako prentsaurrekoan Mendiak esan duenez, PSE eta EAJren arteko balizko itunari buruz jeltzaleek esandakoa "arreta desbideratzeko" izan da, EAJk Eusko Legebiltzarrean gehiengoa ez duelako. "Mahai gainean ez dago inolako eskaintzarik", esan du Mendiak.
Aurrekontuen erantzukizuna
Buruzagi sozialistarentzat, Urkulluren lehen 100 egunak "harrigarria bada ere, geldituta dagoen Gobernuaren isla dira, baina beste gauza bat espero genuen".
Halaber, Aurrekontuei buruz Mendiak azpimarratu duenez, "EAJk ezin digu Aurrekontuen onarpenaren erantzukizuna leporatu, PSEk proposatutakoaren aurrean Eusko Jaurlaritzak jarrera erabat itxita izan duelako".
PSEk Aurrekontuen osoko zuzenketa aurkeztu duela gogora ekarri ostean, kontu publikoak negoziatzen jarraitzeko prest daudela azpimarratu du Mendiak, baina diru-sarreren atalari buruz bakarrik.
EAJ, PSE eta PPren arteko balizko itun batean Urkullu buru izateko Antonio Basagoitik egindako proposamena ez du Mendiak begi onez ikusi, alderdi sozialisten eta popularren jarrerak "oso desberdinak direlako".
