Politika -
'Iraganaren parte'
Erregearen herentziagatik azalpenak eskatzea kritikatu du PPk
'El Mundo'k argitaratu duenez, Juan Carlosek 2,2 milioi euroko herentzia jaso zuen Borboiko Juanek, bere aitak, Suitzan zituen hiru kontutan banatuta zuenetik.
Erredakzioa
Rafael Hernando Kongresuan PPko bozeramaileak Erregearen herentziagatik Gobernuari azalpenak eskatzen dizkioten oposizioko alderdiak egotea kritikatu du, eta, gai hori, bere ustez, "iraganaren parte" dela gaineratu du, dagoeneko "preskribatu" du.
ICVk, PSOEk, IUk, UPyDk eta BNGk azalpenak eskatu dituzte Kongresuan erregeak "Suitzatik" jasotako herentziari buruz. 'El Mundo-k argitaratu duenez, Juan Carlosek 2,2 milioi euroko herentzia jaso zuen Borboiko Juanek, bere aitak, Suitzan zituen hiru kontutan banatuta zuenetik.
"Duela denbora askoko kontuak dira. Ez dakit Gobernuak zein azalpen eman behar dituen edota zein galdera erantzun dagoeneko preskribatuta dauden eta iraganekoak diren gaien inguruan, gertatu ala ez, ez baitakit gertatu diren ala ez", azaldu du Hernandok.
Horren haritik, Mariano Rajoyren Gobernuak krisi ekonomikotik irteten zentratuta egon behar duela nabarmendu du, eta "penagarritzat" jo du egungo egoera ekonomikoa ikusita arreta erregearen herentzian jarri nahi duten alderdiak egotea.
PPko diputatuaren hitzetan, diputatuak Parlamentuan nahi dutena galdetzeko "aske" dira, baina Gobernua ez dagoela horretan azaldu du. "Ez dut ulertzen zein azalpen eman behar diren. Guzti hau lekuz kanpo dagoela iruditzen zait. Espainiaren arazoa uneotan ez da hori", azpimarratu du.
