Politika -
Faisan auzia
ETAri laguntzea leporatu die Fiskaltzak salakeriaren bi poliziei
Fiskalak bi urteko espetxe-zigorra eskatu du Pamiesentzako sekretuak zabaltzeagatik, eta beste bost banda armatuari laguntzeagatik. Ballesterosentzako sei urte eta erdiko zigorra eskatu du.
Erredakzioa
Auzitegi Nazionaleko Fiskaltzak Faisan auzian auzipetutako Poliziako bi buruzagiei ETAri laguntzea leporatu die (Enrique Pamies Euskadiko Polizia Nazionalaren buruzagi ohia eta Jose Maria Ballesteros Arabako Informazio Brigadaren inspektore ohia). Eduardo Torres-Dulce Estatuko fiskal nagusiak agindu zuzena eman du.
Carlos Bautista fiskalak bi urteko espetxe-zigorra eskatu du Pamiesentzako sekretuak zabaltzeafatik, eta beste bost banda armatuari laguntzeagatik. Era berean, Ballesterosentzako urte eta erdiko zigorra eskatu du sekretuak zabaltzeagatik, eta beste bost urte kolaborazioagatik.
Torres-Dulcek akusazioa egiteko agindua eman duela azpimarratu du Bautistak, Estatutu Fiskalaren 25 artikuluaren arabera; izan ere, berak salakeria bakarrik sekretuak zabaltze delitu bat dela defendatu du beti.
Espetxe zigorraz gain, fiskalak 11 urteko gaitasungabetzea eta 27.000 euroko isuna eskatu du Pamiesentzat, eta 21.600 euro Ballesterosentzat. 2006ko maiatzean ETAren estortsio aparatuaren aurkako operazio bat zapuztu zuten salakeriaren egileek.
