Felipe Gonzalez: 'Probintziak soberan daude'

"Espainiak administrazioak erreformatu behar ditu, baina enplegua zigortu gabe", ziurtatu du Felipe Gonzalez Gobernuko presidente ohiak. Bestalde, "probintziak soberan" daudela erantsi du Gonzalezek. Horregatik, "egitasmo sinesgarri eta serio bat egin behar da, denborarekin", gaineratu du.

"Probintziak soberan daude, erkidegoetako gobernuek probintzietan Gobernuaren ordezkaritzak izan behar dituztelako", Gonzalezek azaldu duenez. "Ondorioz, Gobernuaren ordezkaritza horiek probintzietako zeregin interesgarria eta ezinbestekoa ordezkatzen saiatu behar dira", esan du. Hau da, "erakunde lokalen lankidetza" kudeatu behar dute.

Zentzu horretan, "gastuaren % 80 gastu arrunta da probintzietako diputazioetan, eta gainerako % 20a inbertsioa" dela gogorarazi du Gonzalezek.

Gainera, "krisia baino lehen gauza batzuk oinarrizkoak" direla ohartarazi zuen Exekutiboko presidente ohiak. "Espainiak administrazio publikoko lau maila ezberdin ditu eta batzuetan erredundanteak dira", adierazi du. "Lau maila dituen Europako herrialderik ez dago", esan du.