Botere judiziala zatituta, Konstituzionalerako bi epaile hautatzeko

Auzitegi Goreneko lau epaile, Botere Judizialaren Kontseilu Nagusiko (BJKN) sektore aurrerakoiak babestutako bi eta kontserbadoreak babestutako beste bi, dira Pascual Sala Auzitegi Konstituzionaleko presidenteak eta Ramon Rodriguez Arribas presidenteordeak, bederatzi urteko agintaldia bete ostean, utziko dituzten postuak hartzeko hautagai nagusiak. Ekainaren 9 arteko epea dute aukeraketa egiteko.

Sektore aurrerakoiaren hautagaiak Juan Antonio Xiol Rios eta Candido Conde-Pumpido dira, eta Jose Lopez Garcia de la Serrana eta Roberto Enriquez kontserbadorearenak. Bloke aurrerakoiaren baitan, hala ere, Juan Carlos Campok ere izan dezake aukeraren bat, aurrerakoiak ados jartzen ez badira.

Aipatu iturrien arabera, zatiketa handia dago Kontseiluko sektoreen artean; izan ere, jakintzat ematen dute hautatuko dutenetako bat aurrerakoia eta bestea kontserbadorea izango direla. Kontua da sektore bakoitzak zein hautagai aurkezten duen.

Botere Judizialaren Kontseilu Nagusiak

Gaur, Botere Judizialaren Kontseilu Nagusiaren osoko bilkurak ez du adostasunik lortu eta eztabaida 'datarik gabe' atzeratzea erabaki du.

BJKNk ez du arau jakinik jarraitu behar bozketak egiteko eta izendapenak adosteko bozketa kopurua ere ez da mugatua, beraz, nahi adina egin ditzakete.