PP normalizazio politikorako 'oztopo' dela uste du ELAk

Adolfo Muñoz "Txiki" ELAko idazkari nagusiak adierazi duenez, ETAk su-etena iragarri ostean, normalizazio politikorako PP "oztopo" da. EFEri eskainitako elkarrizketan sindikatu abertzaleko arduradunak azpimarratu duenez, "Espainiako historia berrian, alderdi batek ere ez du izan normalizazioan laguntzeko aukerarik, PP salbu, eta zoritxarrez, horri eusteko ezetza eman du".

Gauzak horrela, alor horretan PPk planteatutakoari "euskal babesa" ez emateko eskatu du, "zeharo intolerantea baita". "Ematen du atzerapauso bat denik", esan du.

Iraganean bizi

"Txiki" Muñozek azpimarratu duenez, "normalizazioak inteligentzia politikoa eskatzen du, baina dirudienez, PPko alderdikide gehienek nahiago dute iraganean bizi, etorkizunean baino". "Edozein su-etenak egiaztatzeak behar ditu, eta hori ez da posible izango Gobernuaren laguntzarik gabe", adierazi du.

Sindikatuburuak gogora ekarri duenez, "subiranotasuna defendatzen duen alor garrantzitsua dugu Euskadin, ETArik gabe, baina alor hori egon badago".

Bestalde, "Madrilek agindutakoa goitik behera bete izana" leporatu dio Iñigo Urkullu lehendakariari. "Neozentralismoa neoliberalismoa da, eta Gobernuak hori onetsi du", deitoratu du.