Fernandez: 'Barne Ministerioarekin egindako bilera positiboa izan da'

Espainiako Gobernuak eta Eusko Jaurlaritzak elkarrizketarako bide berri bat ireki dute, besteak beste, Terrorismoaren Biktimen Memoriarako Zentroa bultzatzeko, proiektu horren alde elkarlanean aritzeko konpromisoa hartu dute.

Bilera amaituta, Jonan Fernandez Eusko Jaurlaritzaren Bakerako eta Bizikidetzarako idazkariak agerraldia egin du. Batzar hori egin izan berez positiboa dela adierazi du, "inolako akordiorik izan ez bada ere, normaltasunez hitz egin ahal izan dugulako eta bakoitzak bere iritzia eman ahal izan duelako". Alabaina, onartu du lan asko egiteko dutela.

Bileran gai ezberdinak jorratu dituzte, baina xehetasunik emango ez dutela esan du, horrelakoetan diskrezioa ezinbestekoa dela argudiatuta.