Politika -
Barcenas auzia
EAEko PPk ere azalpenak eman behar dituela uste du EAJk
Mariano Rajoyri azalpenak eskatu badizkiote, EAEko PPri ere eskatu behar zaizkiola esan du Itxaso Atutxak.
Erredakzioa
Itxaso Atutxa Bizkaiko EAJko presidentearen ustez, EAEko PPk ere azalpenak eman beharko lituzke Luis Barcenas PPko diruzain ohiak egindako aitorpenen harira.
Horren esanetan, Mariano Rajoy Espainiako Gobernuko presidenteari azalpenak eskatu badizkiote, EAEko PPri ere eskatu behar zaizkio.
Radio Popularren egindako elkarrizketa batean, Atutxak hizpide hartu du Barcenas auzia. EAEko PPren Bilboko egoitza diru beltzarekin ordaindu zutela esan zuen diruzain ohiak.
Atutxak gogararazi duenez, "akusazioak frogatuz gero" hartuko dituela erabakiak esan du Arantza Quiroga EAEko PPko presidenteak, baina Madrilen PPri azalpenak eskatu badizkiote, "hemengoei" ere eskatu behar dizkiete. "Dakigunez, alderdi bakarra da", gaineratu du.
