Politika -
Palau auzia
Masek ez du dimitituko eta oposizioa mozioa aurkeztera desafiatu du
Kataluniako presidenteak oposizioko alderdi batzuei bere dimisioa eskatzea edota intsinuatzea leporatu die, edonola ere, esan du, kargua uzteko “Parlamentuan mekanismoak daudenean”.
Erredakzioa
Artur Mas Kataluniako presidenteak astaezken honetan esan du ez duela dimitituko Musikaren Palau auziagatik, eta oposizioko alderdi politikoak zentsura-mozioa aurkeztera desafiatu ditu Generalitatearen buru ordezkatu nahi badute.
Azalpenak emateko Parlamentuan egindako agerraldian, Masek oposizioko alderdi batzuei bere dimisioa eskatzea edota intsinuatzea leporatu die, edonola ere, esan du, kargua uzteko "Parlamentuan mekanismoak daudenean", besteak beste, "zentsura-mozioa".
Marta Roviera ERC alderdiko bozeramaileak esan du ez duela ulertzen "nolatan bere defentsa azalpenak eman dizkien bere alderdiko jendea" den, "azalpen horiek zeintzuk diren jakitea eskatzen diogunean".
Roviraren hitzetan, "ezin die herritarrei konfiantza eskatu gardentasun maximoa eman gabe eta martxan zein mekanismo jarri dituen esan gabe errepikatzen diren kasu hauek saihesteko". Halaber, "bateratutako kontratazio publikoko plataforma bat" sortzea proposatu du, "interesatutako adjudikazioekin amaitzeko".
Maurici Lucena Parlamentuan PSCko bozeramaileak azaldu duenez, Filesa kasua (PSOEn legez kanpoko finantzaketaz) "aurreko mendean pasatu zen, eta nik hamahiru urte nituen". Horrez gain, "joatera" gonbidatu du Mas judizialki CDCn, bere alderdian, finantzaketa irregularra zegoela erakusten bada, Palauren bidez.
