PPk 'behingoz' jaien eredua berraztertzea eskatu dio Udalari

Cristina Ruiz PPko Bilboko bozeramaileak Udalak "behingoz" jaien ereduari buruzko eztabaida izatea eskatu du, txupineraren izendapenarekin eta horren debekuarekin sortutako polemikaren ostean. Haren hitzetan, ezker abertzalea izan da "erantzule nagusia" eta EAJ "arduradun ordezkatzailea". Halaber, PSE-EEren "nahasmena" kritikatu du.

Europa Pressi egindako adierazpenetan, Alfonso Gil bozeramailearen jarrera gaitzetsi du, azken horrek PPren eta ezker abertzalearen arteko "eztabaida antzua" deitoratu du. Rurz "harrituta" azaldu da "maila berean jartzeaz" Jone Artola Etxerateko kidearen eta Txori Barrote konpartsako sortzailearen izendapenaren polemikan.

PPko bozeramailearen hitzetan, sozialistek "ondo dakite polemika guztiaren jatorria profil oso markatua duen pertsona bat izendatzea aukeratu dutenengan dagoela, eta, ikusi den moduan, izendapenarekin indarrean dagoen legaltasuna urratzen ari zirela".

PSE-EEren "nahasmena" kritikatu ostean, PPko bozeramaileak esan du adierazpenok "Bilbon publikoa izaten ari den eztabaidan agertzeko beharragatik" egin dituztela gehienbat, "hausnarketa serio" baten gainetik.

Horren haritik, PPk gai honetan "era koherentean" jokatu duela nabarmendu du. Azaldu duenez, "horri begira egon gara eta legea betetzea zaindu dugu".