Egibarrek jarrera aldatzeko eskatu die Urkijori eta ezker abertzaleari

"Iraganeko jarrerak alboratzeko eta garai berrietara egokitzeko" eskatu die Joseba Egibar EAJk Eusko Legebiltzarrean duen bozeramaileak eta EAJren GBBko presidenteak Carlos Urquijo Espainiako Gobernuak EAEn duen ordezkariari eta ezker abertzaleari.

RNE irratiari eskainitako elkarrizketan, Jone Artola txupinerari ezarritako debekua izan du hizpide. Txupineraren harira sortu den eztabaidak iraganeko kontuak ekarri dizkiola gogora gaineratu du.

"Nire ustez, Espainiako Gobernuak EAEn duen ordezkariaren esku-sartzeak ez dio mesederik egin jaietako lasaitasunari, baina, oro har, herritarrek jaiez gozatu ahal izan dute", gaineratu du.

Egibarren esanetan, ezker abertzaleak aldarrikapenak egiteko baliatzen ditu jaiak "Jaiak bai, borroka ere bai" lema gisa hartuta.

Bilboko jaietan ezker abertzaleari "jarduten uztea" leporatu dio PPk EAJri, eta horren harira, ez dela egia eta popularrak zer gertatuko egoten direla gaineratu du.

Zerga ituna

Iraila hasieran PSE-EErekin zerga ituna sinatzea espero du Joseba Egibarrek. Horren esanetan, datorren hileko lehenengo asteetan gauzatu beharko litzateke akordioa ituna eraginkorra izan dadin; izan ere, Arabako, Bizkaiko eta Gipuzkoako Batzar Nagusiek onartu behar dituzte balizko arau berri horiek.

Bestalde, PPri eta Bilduri akordiora batzeko deia egin die.