Politika -
Libre eguna
Giza-katea osatu dute Lekeition, 80 auzipetuei elkartasuna adierazteko
Urrian bi epaiketa egingo dira Auzitegi Nazionalean: herriko tabernen kontrako makroepaiketa eta Segiren kontrakoa bestea.
Erredakzioa
Gaur Libre eguna ospatzen ari dira Lekeition, herriko tabernen auzian eta Segiren kontrako epaiketan auzipetuta dauden 80 pertsonari elkartasuna eta babesa adierazteko; izan ere, urrian egingo dituzte bi epaiketa horiek Auzitegi Nazionalean.
Goizean ehunka lagunek giza-katea osatu dute Lekeition, politikotzat jo dituzten epaiketak salatzeko. Bertan, elkartasunetik konpromisorako zubia irudikatzen duen giza-katea eraiki dute, eta harresiaren harria pasatu diote elkarri.
Horien hitzetan, bi epaiketa horiekin Euskal Herrian hasitako bake bidea oztopatu nahi du Espainiako Gobernuak.
Epaiketa horiek Euskal Herrian irekitako prozesuaren kontrako erasotzat jo ditu, Joseba Permach Sortuko kideak. Horren arabera, ez da kasualitatea epaiketa horiek orain egitea.
