Masek planto egin dio Santamariari, patronalaren ekitaldi batean

Artur Mas Generalitateko presidenteak planto egin dio bart Soraya Saenz de Santamaria Espainiako Gobernu presidenteordeari, Foment Kataluniako patronalaren ekitaldi batean, protokoloaren inguruan desadostasunak tarteko.

Izan ere, ekitaldiaren buru Santamaria izan da, Espainiako Gobernuko jarduneko presidente gisa (Mariano Rajoy Panaman dago), eta, horregatik, Masek uko egin dio joateari. Burua bera den ekitaldietara baino ez dela joaten azaldu dute Generalitatetik, eta hiru salbuespen aipatu ditu: erregea, printzea edota Espainiako Gobernuko presidentea dauden ekitaldiak.

Kataluniako Gobernuaren esanetan, azken orduan jakin dute Santamaria jarduneko presidente gisa izango zela ekitaldian. Hori horrela, ordezkari bezala Felip Puig Enplegu kontseilaria bidaltzea erabaki dute.

Bestalde, Foment platronaletik zehaztu dutenez, ez joateko arrazoi bakarrak "protokolo kontuak" direla esan dio Artur Masek.