Politika -
Gurtel auzia
Idatziz deklaratu behar duela jakinarazi dio Aguirrek Ruz epaileari
Pablo Ruz epaileak Fiskaltzari eta auziko gainerako aldeei hiru eguneko epea eman die lekukoari egin nahi dizkioten galderak auzitegian aurkezteko.
Erredakzioa
Gurtel auzian lekuko gisa idatziz deklaratu behar duela jakitera eman dio gaur Esperanza Aguirre Madrilgo presidente ohiak Pablo Ruz Auzitegi Nazionaleko epaileari. Easy Concept entitatearen kontratazioan izan zuen papera azaldu behar du Aguirrek.
Ruz epaileak Fiskaltzari eta auziko gainerako aldeei hiru eguneko epea eman die gaur lekukoari egin nahi dizkioten galderak auzitegian aurkezteko. Magistratuak galderak aztertuko ditu, eta ondoren Aguirreri bidaliko dizkio.
Idatziz edo zuzenean deklaratzeko aukera eman zion epaileak iragan ostiralean.
