Politika -
Elkarrizketa Radio Euskadin
Politizatutako biktimenak dira 'muturreko erreakzioak', EAJren arabera
Egibarrek azaldu duenez, "izaera politikoa" eman zaien biktimak dira ezkorrenak. Bestalde, kartzela-politikaren helburua ez dela "gizartearatzea" izan salatu du.
Erredakzioa
Joseba Egibar EAJren Legebiltzarreko bozeramaileak uste du iraganean "izaera politikoa" aitortu zaien biktimek izan dituztela azkenaldian "muturreko erreakzioak". Era berean, kartzela-politikak, "gizarteratzea bilatu beharrean, ETAren kontrako borrokarako tresna" izan dela salatu du.
Egibarrek Radio Euskadin egindako elkarrizketa batean azaldu duenez, "'Parot doktrina' amaituta", auzitegiak "zuzen" jokatzen ari dira presoak kartzelatik ateratzen.
""Parot doktrina' amaituta, auzitegiak zuzen jokatzen ari dira eta bere funtzioa betetzen dute. Kontua da biktimen munduari izaera politikoa aitortu zaiola eta oso muturreko erreakzioak entzuten ari gara", adierazi du Egibarrek, izaera politiko hori "ezker abertzalearen kasuan ere" gertatzen dela gaineratu aurretik.
Bestalde, kartzela-politikak "gizarteratzea bilatu beharrean, ETAren kontrako borrokarako tresna" izan dela eta horrek "asaldura" sortzen duela salatu du.
