Armada jenerala, 1981eko estatu-kolpearen protagonistetako bat, hil da

Alfonso Armada jeneral ohia, 1981. urteko otsailaren 23ko estatu-kolpe saiakerako protagonista nagusietako bat, hil da igande honetan, Madrilen. 93 urte zituen.

Errege Etxeko jeneral ohiari 30 urteko espetxe zigorra ezarri zioten, estatu-kolpean parte hartzeagatik, baina, 1988. urtean, indultua eman zioten.

2011. urtean, estatu-kolpearen 30. urteurrenean, Armada "oso pozik" agertu zen egindakoarekin: "informazioa eman, aginduak bete eta arazoak konpondu, hori guztia egin nuen".

1981. urteko otsailaren 28an jakin zen estatu-kolpean parte hartu zuela, eta atxilotu egin zuten.

Kolpisten asmoen arabera, Armada Gobernuko presidente izango zatekeen, kolpeak arrakasta izan balu.