Politika -
Eusko Abertzale Ekintza
Kepa Bereziartua zendu da, 64 urte zituela
Sei urtez izan zen Eusko Abertzale Ekintzako presidente, 2002tik 2008ra arte, harik eta Auzitegi Gorenak alderdia legez kanpo utzi zuen arte, Batasuna alderdiaren ondorengoa izatea egotzita.
Erredakzioa
Kepa Bereziartua Eusko Abertzale Ekintzako presidente izandakoa zendu da, Gasteizen, 64 urte zituela.
Sei urtez izan zen alderdi horretako presidente, 2002tik 2008ra arte, harik eta Auzitegi Gorenak alderdia legez kanpo utzi zuen arte, Batasuna alderdiaren ondorengoa izatea egotzita.
Legez kanpo uztearekin batera, Garzon epaileak Bereziartua auzipetu egin zuen.
Bilbon jaio zen, baina Arrasaten bizi zen gaur egun. Bihar, ekitaldia egingo dute Arrasaten Bereziartuaren omenez, 19:00ean.
