Politika -
11-M
Rafa Zouhier kartzelatik atera orduko Espainiatik kanporatu dute
Hamar urteko espetxe zigorra beteta, goizaldean atera da Zouhier Cadizko Puerto I espetxetik. Berehala Marokora, bere sorterrira, eraman du Poliziak.
Erredakzioa
Rafa Zouhierrek 10 urteko kartzela-zigorra bete du, M-11ko atentatuetan erabili ziren lehergaiak saltzea egotzita. Goizaldean atera da Cadizko Puerto I espetxetik, 01:00ak aldera.
Kartzelatik atera eta berehala, bere jaioterrira, Marokora eraman du Poliziak. Espetxe atarian bertan polizia-furgoneta batean sartu dute eta zuzenean Tangerrera eraman dute.
Atzo bertan, Jorge Fernandez Diaz Barne ministroak jakinarazi zuen kartzelatik atera orduko kanporatuko zutela Espainiatik Zouhier.
