Politika -
Atxiloketak
6 gazte atxilotu dituzte kontzentrazio batean, Gasteizen
EHUren Gasteizko campusean egin dituzte atxiloketak, eta Ertzaintzak autoritatearen kontrako atentatua leporatu die.
Erredakzioa
Ertzaintzak 19 eta 26 urte bitarteko sei gazte atxilotu ditu Gasteizko EHUren campusean, autoritatearen kontrako atentatua egitea leporatuta.
Unibertsitateko campusean egin dituzte atxiloketak. Atxilotuak presoen aldeko kontzentrazio batean parte hartzen ari ziren, Ertzaintzaren arabera. Antza denez, kontzentrazioaren deitzaileek ez diete aurrez protesta ekitaldiaren berri eman agintariei.
Eusko Jaurlaritzako Segurtasun Sailak azaldu duenez, 13:20ak inguruan Ertzaintzaren patruila batek gazteen eta unibertsitateko segurtasun langileen arteko liskarra ikusi du.
Istiluetan agente bat eta gazte bat zauritu dira eta medikuek artatu behar izan dituzte.