Politika -

Koroaren oinordekotza

Erregeak abdikazio-legea sinatu du

Lege organikoa gauerdian sartuko da indarrean. Ekitaldian semea, Felipe VI etorkizuneko erregea, eta Estatuko erakundeetako 150 bat ordezkari izan dira.

Juan Carlos I.a erregea abdikazio-legea sinatzen. EiTB
Juan Carlos I.a
Erregeak abdikazio legea sinatu du

Erredakzioa

Whatsapp Facebook Twitter Telegram Email

Erregeak gauerdian indarrean sartuko den abdikazioaren lege organikoa sinatu du asteazken honetan. Errege-Etxean izan den ekitaldian, semea, Felipe VI.a etorkizuneko erregea, eta Estatuko erakundeetako 150 bat ordezkari izan dira.

Besarkada beroa

Erregeak besarkada bero bat eman dio haren semeari, Asturiasko printzeari, eta ekitaldiaren presidentetzaren lekua eman dio, Espainiako Koroaren oinordekotzaren sinbolo modura.

Abdikazioaren lege organikoa sinatu bezain laster, erregea ekitaldian duen lekura joan da, eta, Sofia erreginari muxu eman eta semea besarkatu ostean, zuen lekua utzi dio horri.

Ordezkoaren sinboloa indartuta geratu da, minutu batzuen ostean, Juan Carlosek ilobak deitu dituenean musu bat emateko: lehenengo Leonorri eman dio, Asturiaseko etorkizuneko printzesari, eta, geroago, Sofia infantari.

Bitartean, ekitaldira joan diren 150 pertsonek baino gehiagok, horien artean Gobernuko kideek eta Estatuko erakunde guztietako ordezkariek, txalo zaparrada luze bat eman die Juan Carlos I.ari.

Autonomia erkidegoetako presidente guztiak, Urkullu eta Mas izan ezik

Presidente autonomiko guztiak, Iñigo Urkullu lehendakaria eta Artur Mas Kataluniako Generalitateko presidentea izan ezik, erregearen abdikazio-sinadura ekitaldira joan dira.

Falta ziren bakarrak, Urkulu eta Mas, Diputatuen Kongresura joango dira ostegun honetan, Gorte Nagusiek Felipe VI.a nola koroatzen duten ikustera.

Lehendakariak lehengo astean azaldu zuenez, koroatzera “erantzukizun instituzionalagatik” joango da, baina programatutako ekitaldi bat bera gehiagora ere ez. Artur Masek AEBetako bidaiaren itzulera aurreratu du, ostegunean Diputatuen Kongresura joan ahal izateko, “errespetu instituzionalagatik”.

 

 

 

 

 

 

Hau zure interesekoa bada, baliteke beste gai hauek ere izatea