Politika -
Galdeketa
Litekeena da Rajoyrekin datorren astean biltzea, esan du Masek
CiUko buruak esan duenez, kontsultaz gain, herritarrak kezkatzen dituzten "beste gai asko jorratuko dituzte -esaterako- arlo ekonomikoan, sozialean, lanekoan eta azpiegituren arloan".
Erredakzioa
Artur Mas Kataluniako presidenteak esan duenez, prest dago Mariano Rajoy Espainiako Gobernuko presidentearekin kontsultaren inguruan hitz egiteko, baita beste gai batzuetaz ere, eta esan du litekeena dela datorren astean biltzea.
"Oraindik ez dago data zehaztuta, adosten ari gara, aste honetan izatea zaila da -Govern-en batzarra eta Parlamenten osoko bilkura dago, litekeena da datorren astean izatea, Gobernuko presidenteak zehazten duen egunean, nik moldatzeko aukera izanez gero", azaldu du Masek.
Josep Antoni Duran i Lleida CiUko Idazkaritza Nagusia utziko duela iragartzeko prentsaurrekoan Masek azaldu duenaren arabera, "ez dugu soilik erabakitzeko eskubideaz eta galdeketaz hitz egin behar, aterako den gai garrantzitsua izanda".
Kataluniako presidentearen hitzetan, kontsultaz gain, herritarrak kezkatzen dituzten "beste gai asko jorratuko dituzte -esaterako- arlo ekonomikoan, sozialean, lanekoan eta azpiegituren arloan".
Mas "jarrera eraikitzailearekin" aurkeztuko da bilerara; "duela hilabete asko" espero zuen bilera dela esan du, baina ez duela beti beste aldetik "baiezkoa" jaso.
