Itxi

Politika

Bilboko Aste Nagusia

Segurtasun zuzendariaren adierazpen 'matxistak' salatu ditu EH Bilduk

Erredakzioa

Andoni Oleagordia "berehala kargutik kentzea" eskatu du koalizio abertzaleak. "Espero ez diren besarkadekin eta laztanekin kontuz", adierazi du Oleagordiak.

Andoni Oleagordia Bilboko Udalaren Segurtasun zuzendaria "berehala kargutik kentzea" eskatu du gaur EH Bilduk. Aste Nagusiko jaietarako prest duten segurtasun operatiboa aurkezteko prentsaurrekoan, Oleagordiak adierazpen "matxistak" egin dituela uste du koalizio abertzaleak.

Itziar Urtasun Jaietako zinegotziak eta Udaleko beste arduradun batzuek festetako segurtasun operatiboaren berri eman dute goizean. Lapurreten aurrean ohartarazi du Oleagordiak: "Kontuz espero ez diren besarkadekin eta laztanekin".

"Niri bildotsa ematen didatenean, edo bera gaizki dago edo ni ez nago gozo. Neska katxarro bat besarkada bat ematera etortzen bada, nire erlojuarekin, diru-zorroarekin edo gauzaren batekin alde egingo du. Aste Nagusian urte osoan baino ederragoak garenik ez pentsatu. Teknika hori erabiltzen dute eta tresna txiki bat daramate besarkadan ebaki, katea erori eta agur", esan du Oleagordiak.

Helena Gartzia EH Bilduko bozeramaileak agiri batean azaldu duenez, arduradun politikoen eta kargudun instituzionalen adierazpen "matxistak eta estereotipoak" onartzerik ez dago. Horregatik, Oleagordia "berehala" kargutik kentzeko eskatu du.

  • Bisitatuena

      Kargatzen ikusiena
      Kargatzen ikusiena