Politika -
Epaiketa
Angel Ojeda Andaluziako kontseilari ohia, kargupean aske
1987 eta 1990 urteen artean Ogasun kontseilari izan zenak epailearen aurrean deklaratu du, astelehenean iruzurraren aurkako operazio batean Poliziak atxilotu ostean.
Erredakzioa
Cadizeko 2 zenbakiko instrukzio-epaitegiko titularrak kargupean aske utzi du Angel Ojeda Andaluziako batzordeko Ogasun kontseilari ohia. Dokumentuak faltsutzea, diru-laguntzetan iruzurra, bidegabe jabetzea eta Administrazio Publikoaren kontrako delituak egotzi dizkio.
Ojeda Cadizeko epaitegietatik 15:50ean irten da, iritsi eta zazpi ordu baino gehiagora, eta kazetariek galderak egin dizkiotenean, lasai, honako hau esan du: “jaun-andreak, fidantzarik gabe aske nago”.
1987 eta 1990 urteen artean Ogasun kontseilari izan zenak epailearen aurrean deklaratu du, astelehenean prestakuntzako kurtsoetan iruzurraren aurkako operazio batean Poliziak atxilotu ostean.
Iturri judizialek jakitera eman dutenez, Ojedari pasaportea kendu diote.
