Politika -
Hondarribiko alardea
Alardearen gatazkari aurre egiteko eskatu dio Gipuzkoak Hondarribiari
Gatazkari aurre egiteko "jarrera ausarta eta aktiboa" izateko eskaria egin dio Gipuzkoako Foru Aldundiak Hondarribiko Udalari.
Erredakzioa
Gipuzkoako Foru Aldundiak "adorea erakusteko" eskatu dio Hondarribiko Udalari (EAJk zuzentzen du), eta Gipuzkoako udalerri horretan ospatzen den alardearen inguruan "gatazka bat dagoela onartu" eta horri aurre egiteko eskaria egin dio.
Emakumeek Hondarribiko alarde bakarrean parte har dezaten "konponbideak aurkitzeko jarrera aktiboa" izateko eskatu du ohar baten bidez Gipuzkoako Foru Aldundiak. Era berean, Eusko Jaurlaritza kritikatu du, honek arazoa konpontzearen alde egindako ahalegin urriagatik.
Diputazioaren esanetan, hondarribiarren % 72k eskatzen duen jarrera da hau, eta alarde batean edo bestean parte hartu behar ez izateko, gatazkari konponbide bat aurkitzearen alde azaldu da.
Eusko Jaurlaritzak duela gutxi egindako ikerketa soziologiko batean arabera, "herritarren % 43k, gaur egungo proposamena barik, beste konponbide batzuk" nahi dituzte emakumeek Hondarribiko alardean parte hartzeko.
"Soilik herritarren % 16 dago pozik" egungo egoerarekin, esan du Diputazioak. Honen aurrean azpimarratu du arazo bat dagoela eta Udalak ezin duela hori ukatu. Gatazkari aurre egiteko, "jarrera ausarta eta aktiboa" izateko eskatu dio.
