Aitzol Etxaburu ETAko kidea Espainiaratu dute

Aitzol Etxaburu Artetxe ETAko kidea Frantziatik Espainiara eraman dute asteazken honetan, Poliziaren Zuzendaritza Nagusiak jakitera eman duenez.

Auzitegi Nazionaleko 3 zenbakiko instrukzio-epaitegiak deitu du Etxaburu, desmasia terrorista delitua egotzita.

Urtarrilean, Frantziak zortzi urteko kartzela-zigorra ezarri zion Aitzol Etxabururi, ETArentzat zuloak kudeatzea eta lehergailuak egitea leporatuta.

Atxiloketa 2009ko abuztuan izan zen, Villaremberteko eski-estazio batean, Alpeetan, Alberto Machain Berazarekin eta Andoni Sarasola Yarzabalekin batera, bi hilabete lehenagotik jarraitzea ahalbidetu zien ikerketa baten ostean. Udara horren amaieran, Frantzia hegoaldean taldearen 13 zulo aurkitu zituzten.