Politika -
Sare sozialak
Pedro Sanchezek jarraitzaile faltsuak atzeman ditu Twitter kontuan
Mariano Rajoyk 60.000 jarraitzaile lortu zituen Twitterren 12 orduan, baina erabiltzaileen % 60 faltsuak dira.
Erredakzioa
Pedro Sanchez PSOEko idazkari nagusiak jakinarazi duenez, jarraitzaile faltsuak atzeman ditu Twitterreko bere kontuan eta gertaturikoa jakinarazi die sare sozialaren arduradunei.
Mariano Rajoy Espainiako Gobernu presidentearen Twitter kontuan mezu hau irakur zitekeen gaur: "Atzoko kanpainak aurrera jarraitzen du. Twitterrek Espainian duen ordezkaritzarekin harremanetan gaude, horrelako kontuak kentzeko. #NoBots. Twitterreko Taldea".
"Goizeko lehen orduan jarraitzaile faltsu gehiago nituela atzeman dut eta Twitterri jakinarazi diot", adierazi du Pedro Sanchezek bere Twitter kontuan. Pedro Sanchezek 73.000 jarraitzaile ditu Twitterren, eta azken orduetan jarraitzaile berriak sortu zaizkio Mariano Rajoyri gertatu bezala.
Twitter Espainiako Gobernuko presidentearen kontua garbitzen eta haren jarraitzaile faltsuak ezabatzen hasi zen. Aipaturiko jarraitzaile "faltsu" gehienak jatorri arabiarrekoak ziren.
