Publizitatea
Itxi

2014/09/12

15:52

Politika

Ministroen Kontseilua

Gobernuak kontsulten legea indarrean sartzea galaraziko du

Erredakzioa

Kataluniako Parlamentuak “Konstituzionaltasun bizioa” duen kontsulten legea onartzen badu eta, lege horrekin bat, kontsulta deitzen badute, Gobernuak helegitea aurkeztuko du Konstituzionalean.

  • Whatsapp
  • Whatsapp
  • Telegram
  • Bidali

Soraya Saenz de Santamaria Gobernuko presidenteordeak Kataluniako Parlamentuari hausnarketa bat egitea eskatu dio, konstituzionaltasun “zalantza handiak” dituen kontsulten legea ez onartzeko, eta Gobernuak indarrean sartzea galaraziko duela azaldu du, helegitea Auzitegi Konstituzionalean aurkeztuta.

Ministroen Kontseiluaren osteko prentsaurrekoan Saenz de Santamariak adierazi duenez, Gobernua Kataluniako Generalitatearekin hitz egiteko prest dago, baina argi utzi du legearen testuinguruaren barruan izan behar duela.

Horregatik, Kataluniako Parlamentuak “Konstituzionaltasun bizioa” duen kontsulten legea onartzen badu eta, lege horrekin bat, kontsulta deitzen badute, Gobernuak helegitea aurkeztuko du Konstituzionalean, esan du.

Presidenteordearen hitzetan, Gobernuak legea betetzeko eta betetzea egiteko obligazioa dauka, eta, hori kontuan hartuta jardungo du. Halaber, Generalitateari elkarrizketa eskaini dio, Kataluniaren egoera hobetzeko egokia ikusten duen guztiari buruz.

Ostegun honetan, Diadan izandako erasoak gaitzetsi ostean, Gobernuak errespetua erakutsi du herritarrek manifestatzeko duten eskubidearen inguruan. Eskubide hori bermatzen duen Konstituzio berak gobernuburuek sistema aldatu ahal izateko mekanismoak ezartzen dituela dela azpimarratu du.

Gobernuak “ezin du” jarrera aldatu

Horregatik, Gobernuak kontsultaren aurrako jarrera aldatu ezin duela adierazi du, ez datorrelako “erabaki” batetik, Konstituziotik baizik.

Artur Mas Generalitateko presidentearen deklarazioak bestelakoak izan arren, kontsulta ez deitzea espero duela nabarmendu du, legezkoa ez delako.

Elkarrizketek jarraitu egingo dute

Saenz de Santamariak esan du Gobernu zentralak Generalitatearekin dituen elkarrizketek jarraitu egingo dutela, katanalei eragiten dieten arazoei irtenbidea jartzeko. “Denok batera lan egitea” hobea dela azpimarratu du, Espainia krisitik irten dadin.

 

  • Bisitatuena

      Kargatzen ikusiena
      Kargatzen ikusiena