Cospedal: 'Herritarrak bezain asaldatuta gaude PPn'

Maria Dolores de Cospedal Alderdi Popularreko idazkari nagusiak esan du alderdian herritarrak bezain asaldatuta daudela ustelkeria kasuekin. Cospedalen esanetan, Alderdi Popularra "atsedenik hartu gabe lanean ari da", ustelkeria kasuak berriz errepika ez daitezen".

Auzitegiek diotena errespetatzen dutela nabarmendu ostean, "erantzukizuna" izateko eta errugabetasun-presuntzioa errespetatzeko eskatu du. Gaineratu duenez, "ona eta txarra ezberdindu egin behar dira", eta "ezin dira pertsona guztiak berdin tratatu".

Cospedalek nabarmendu du haren alderdia ustelkeria kasuak ez errepikatzeko lanean ari dela: "Iraganean pasatu zena etorkizunean berriz gertatu ez dadin".

Buruzagi popularraren esanetan, Mariano Rajoyren Gobernuak gardentasun legea bultzatu du eta demokrazia birsortzeko neurriak "alderdi guztiekin" adostu nahi ditu. Gaineratu duenez, legez kanpoko finantzazioaren delitua sortu da.