ETAk 30 bat kide klandestinitatean ditu, Frantziaren arabera

ETAk egun ?30 bat? kide ditu klandestinitatean eta ?dozenaka? gordeleku ditu arma, lehergai eta materialarekin, ondorioz, borroka armatura itzultzeko ?aukera gorde? du, Benjamin Chambre Pariseko Auzitegiaren fiskalak gaur adierazi duenez.

Itziar Plaza Fernandez ETAko kidearen aurkako epaiketan, 2011n azken ekintza terroristetak egin zituztenetik ustezko 12 kide atxilotu dituztela gogorarazi du fiskalak. ETAk existitzen jarraitzen duela azpimarratu du Chambrek, eta ?30 bat kidek klandestinitatean jarraitzen dute gaur?.

Nahiz eta Espainian ?azken kanpaina hilgarria 2009an? egin, Frantzian kanpaina luzatu zuen ETAk. Espainian 2009ko udan azken erasoak egin zituen erakundeak. Frantzian, ostera, ?segurtasun indarren aurkako ekintzek? jarraitu zutela gogorarazi du Chambrek.

Konkretuki, 2010eko martxoan Jean-Serge Nerin polizia hil zutela esan du fiskalak. Hilketa auto lapurreta batean gertatu zen. Era berean, beste jendarme bati 2011ko apirilean lepauztaian tiro egin zioten ihes egiten ari ziren ETAko kideek.

Ministerio Publikoaren ordezkariak goraipatu duenez, ?garapen politiko mesedegarriago bat? antzeman duelako indarkeriari uko egitea erabaki du ETAk; ekintza armatuak gizartearen gaitzespen handiago bat duelako, ?baita Euskal Herrian ere? eta, ?batez ere, Espainiako eta Frantziako Poliziaren buruzagien arteko lankidetzagatik?.

18 hilabeteko espetxe-zigorra

Itziar Plazari 12 urteko kartzela-zigorra ezarri zion Frantziak 2013an. Gaur 18 hilabeteko espetxe-zigorra ezarri diote, lapurtutako auto bat, agiriak eta materialak erabiltzeagatik. 2007ko irailean istripu bat izan zuen eta dokumentuak autoan atzeman zizkioten.

Maiatzaren 26tik aurrera Plaza berriz epaituko dute Pariseko Auzitegian, Iurgi Garitagoitia eta Asier Borrerorekin batera. Plaza beste bi kide horiekin batera atxilotu zuten 2009ko uztailaren 4an, Pauetik gertu (Frantziako hego-mendebaldea).