Lezertua: 'Araua gizalegez aplikatzea bermatu behar du Arartekoak'

Manu Lezertuaaren hitzetan, Arartekoak ez du gizartea ?ikaratzen? duen krisia edo ?ekonomia konpondu? behar, baina arauak ?gizalegez, duintasunez eta zentzuz? aplikatzea bermatu behar du.

Europako Kontseiluaren legelariak eta Arartekorako hautagaiak herri-defendatzailearen aurrekontua eta egitura ?arreta handiarekin? aztertzeko konpromisoa hartu du astearte honetan. Horrela, dirua aurrezteko bide posibleak bilatuko ditu, baina erakundearen ?eraginkortasuna galdu gabe?.

Eusko Legebiltzarreko Giza Eskubide, Berdintasun eta Herritarren Eskakizunen batzordean agerraldia egin du Lezertuak, UPyDk eta EH Bilduk eskatuta. Bere lehentasunak azaldu ditu hautagaiak. Ostegunean Gasteizko Ganberak Ararteko izendatzea litekeena da.

EAJk proposatuta, Lezertuak Iñigo Lamarcaren lekukoa hartuko du jeltzaleen, sozialisten eta Alderdi Popularraren babesarekin. Izendatzeko Legebiltzarreko hiru bosten babesa behar du hautagaiak.

PPren ?egonezina?

Hiru alderdiek lortutako akordioaren arabera, zenbait alderdik azaldutako ?egonezina? jasoko du?ombudsman? autonomikoak; izan ere, erakundearen egitura eta aurrekontua murriztea aztertzeko eskatu dute, PPk batez ere.

?Krisi ekonomikoak sektore sozial handiei kalte handia egin diela badakit, eta erakunde publikoek ahalegin handiak egin dituzte krisira egokitzeko. Honenbestez, Arartekoak ere esfortzua egin beharko du, baina eraginkortasuna galdu barik?, goraipatu du Lezertuak.

Aurrekoen lana eskertu eta gero, orain arte egindako lanari ?jarraipena emango? diola azaldu du Lezertuak. ?Arartekoa erakunde sendoa da gaur; izan ere, herritarren onarpena, sinesgarritasuna, errespetua eta ikuspena du?, gaineratu du. ?Arartekoaren ebazpenak askotan bete dira, % 97tan, ia-ia eraginkortasun kosmikoa da?, ziurtatu du hautagaiak.