Independentisten batasunaren aldeko manifestazioa Iruñean

Ehunka lagun bildu dira Iruñean Euskal Herriaren askatasuna defendatzeko, independentista guztien batasuna aldarrikatuz.

Manifestazioa ''Nafarroatik Euskal Herrira. Haimaka bil gaitezen'' ekimenak antolatu du eta Golem zinemetan hasi eta Gazteluaren plazan amaitu da. Bertan komunikatu bat irakurri dute "Nafarroaren etorkizuna Euskal Herriaren zazpi lurraldeetan ikusten dugunontzat, abertzaleen arteko akordioek dimentsio berriak ireki ahal" dituela adieraziz.

Komunikatuaren bidez, "instituzioen aldetik euskarak jasaten duen bazterketa" gaitzetsi dute, "milaka urte dituen kultura baten zapalkuntza".

Manifestazioan Koldo Amezketa NaBaiko parlamentariak eta ezker abertzaleko zenbait kidek parte hartu dute.