ETA: "Gobernuak irtenbide polizialaren ameskeria saldu nahi du"

Gara egunkarian argitaratutako agiri baten bidez, hausnarketa politikoa egin eta dagokion eremuan "aldaketa politikoaren bidean beharrezkoak diren urratsak emateko prestutasuna" adierazi du ETAk.

Bere ustez, "hamaikagarrenez saldu nahi dute irtenbide polizialaren ameskeria", Alfredo Perez Rubalcaba Barne ministroak "ongi baitaki gaur, atzo bezala, Euskal Herriaren eskubideen ezagutza dela euskalerresistentziaren amaiera bermatzen dion bide bakarra".

"Konponbide demokratikoaren aukeraren atea ixteaz batera, ukazioa eremuguztietara hedatzea" eta "mugarik gabeko oldartze errepresiboagaratzeko hautua" egitea leporatu dio ETAk Gobernuari.

Anza agertu baino egun dat lehenago

Agiria martxoaren 20ean sinatu zuen ETAk, Jon Anzaren gorpua agertu baino egun bat lehenago, beraz, ez da aipatzen joan den asteartean hildako jendarmeari buruz.

Zazpi puntu

Euskal herritarrei zuzendutako zazpi puntuko "adierazpen" batean dagokion eremuan "aldaketa politikoaren bidean beharrezkoak diren urratsak emateko prestutasuna" adierazi du.

"Bonbak edo botoak"

ETAren ustez Espainiako Barne ministeritza gezurretan eta gerra propagandan ohitua da, "edo bonbak edo botoak" bezalako "esaldi ponposoen atzean errealitatea desitxuratzeko ahaleginetan, eztabaida desbideratzeko saiakeran".

"Euskal herritarrok, muga eta injerentziarik gabe, eta proiektu guztiak egingarri direla, gure etorkizuna erabakitzeko metodo demokratikoaren" alde dago ETA.

"Elkarlanerako eskuak luzatuak"

Euskal Herriaren etorkizuna bermatuko duen eszenatoki demokratikoa eraikitzearen alde agertu da ETA eta bide horretan ETAk "elkarlanerako eskuak luzatuak" dituela adierazi du.